tenpo pini mute la mi open kama sona e toki pona. tenpo sama la mi open pali e sitelen suwi. mi kama sona e nimi la, mi pali e sitelen tawa nimi sin. ni li lipu mi lon tenpo ni:

lipu ni la sina ken lukin e sitelen nanpa wan tawa nimi ni: a, awen, mama, meli, mije, nasa, nimi, toki. tenpo ni la mi wile toki e sitelen tawa nimi mama.

mama

tenpo open la, mi sona ale ala e kon mama. tenpo sama la mi kama sona e kon mama li lukin tawa musi tu. musi wan li kiwen meli tan ma tomo Wilento. musi tu li kiwen musi Nanas pi meli Nikitesapa. ken la musi ni li toki e kon mama. taso ona li toki mute e kon meli.

mama li pana e ijo pona tawa jan lili anu jan ante. ijo ni li moku li sona li wawa li sewi. jan ale li ken mama e musi e soweli e kasi e tomo e ma. ona ale li mama sama.

jan ante li toki tawa mi kin. ona li pilin e ni: sitelen sitelen tawa mama li nasa. jan Ne li toki e ni: ona li nasa tawa mi tan ni: mama ale ala li meli. mama pona li wile ala pilin sama meli.

mi pilin sama. sitelen ni li kon mama wan. kon mama li mute. tenpo li ante. mi wile pana e sona ante li wile e sitelen ante.

tenpo ni la mi kepeken e sitelen ni tawa nimi mama. sitelen ni li tan sitelen pona. ona li noka sama sitelen tawa meli en mije en tonsi. mi wile e ni: ona li tawa mama ale.